كلمات وصاه محمد المنهالي

لا توصيني وانا ميت عليك

من تولع فيك ما يبغي وصاه

خاطري واحساس قلبي يهتويك

تدري بشعوره وتدري عن خفاه

يا شفاه الروح والحال الدريك

لي بشوفك يكتمل معنى الحياه

انته اللي ما ابيعك اشتريك

واطمع بقربك وحبك لي غناه

كل ما تطري عليه وجنتيك

اتخيل ريحه الورد وشذاه

واتصور ندره الاوصاف فيك

بالفعل زينك يشد الانتباه

من قدم ريلك لعطفه حاجبيك

فقت من فاق الصبايا في غواه

التهادي والتثني سحر فيك

ينثني نشوان قدك من صباه

في حياتي طايع لك وارتجيك

يا رجا منهو تعلق بك رجاه

واندفع لك من شعور ما نسيك

هام في حبك عليل من عناه