كلمات اشتاقلك شوق عيضه المنهالي

اشتاق لك شوق الضوامي ع الورود

اشتاق الك وانا من الشوق ضامي

ياقايد الخفرات ياترف لخدود

يامن بحبك صرت هايم اهيامي

غلاك في كل الشرايين موجود

القلب ينبض به ياحلو الوشامي

يا ماخذ الاول على جمله الخود

في ناظري مالك شبه حد سامي

يا مدمي الاطراف يا مالي العود

لك منحر ياضي في ليل الظلامي

ياما حلا وجنتك و عيونك السود

و اما الشفايف مثل ما الجرح دامي

غلاك ما ينقص ترى يزيد في زود

كل المشاعر خاضعه باحترامي

ومالي بغيرك حد نيه ومقصود

غلاك علقته على قلبي وسامي