كلمات ع البال عيضه المنهالي - كلمات اغاني

البارحه مريت على البال

وذكرت الايام الجميله

وتغيرت في قلبي احوال

والدمع ما وقف هميله

من يوم ما شديت الرحال

وانا على نار شعيله

من ضيقتي جريت موال

ونيت ونه مستحيله

انشد نسيم البر والسال

واتخبر النسمه العليله

عنك و اسال ردود الامثال

ولا ريت من يعطي دليله

غادي شرا ليطرد اللال

ضميان والدنيا محيله

يا ويل حالي ما بقى حال

راحوا ولا باليد حيله

كن بحشايه حل زلزال

والروح يا محمد قتيله

يا زين حرم قطع الوصال

الانسان ما يترك خليله

تبع الهواى يا ناس عمال

كم واحد روحه ذليله

اثر الهجر والبعد قتال

ويا ويل من فارق خليله