كلمات عز الامه عيضه المنهالي - كلمات اغاني

يا كاتب التاريخ عندي مهمة

سجل وانا بعطيك شرح وتحليل

اخذ الكلام الصدق مني وضمه

وانا الدليل ان قل عرف الدواليل

مانيب من صلى على غير يمه

اتبع هدي من جاه بالوحي جبريل

يمر الامة بعض الاحيان غمه

وتبين فعول الرجال الحلاحيل

ياقف لها اللي لا حضر فاي قمة

فنجاله الاول بين الفناجيل

وان قلت سمة للمطاليق سمة

فاربع حروف اسمه للامجاد تفاصيل

هذا محمد سيدي عز للامة

وريث مجد متعبه قرح الخيل

نظرات بو خالد على كل قمة

شبحه سما فوق النجوم المطاليل

ماينحي راسه للباس عمه

وليا وقف يفهق زحزل الرياجيل

يوطئ اللي فيه زود وزمة

والكايدة عنده تعود تساهيل

ولا يرخي اسماعه لنقال نمة

نباه يكرم عن هل القال والقيل

واللي بدا له في لزوم يتمه

واللي يراهني يحط المعاديل

قوي عزم وفيه حنكه وهمه

جعله فداه اللي لا قوة ولا حيل

عدن غزير بالمكارم مجمه

واقل مداته تغيث المقاليل

فيه الكرم يجري بشريان دمه

ومن عادته لامن عطا يوفي الكيل

كم جاه مهموم جلا عنه همه

وامره ينفذ مايجي فيه تاجيل

مافيه بيت الا وفضله يعمه

من مشرق العاصي اللي مغرب النيل

شيخ اتساق اجزال الامداح يمه

لانه سمو العز وخلاصة الجيل

بشته يذري فالمهمات كمه

ينصر به المظلوم ويعدل الميل

ودنيا تهم اصحابها ماتهمه

اقصى هقاويه ورا الجدي وسهيل

عاده الى ذالحين ماجت به امه

اللي يبي ياصل لفلعه مواصيل

من زايد اخذ المدح كيفه وكمه

للناس من بعده ياقل المحاصيل

يالله لعل المزنه المدلهمه

تسقي قبر من طوق الدار اكاليل

زايد جمع شمل العروبه ولمة

تقول كن روحة للاحسان قنديل