كلمات ماقدر اوصفك محمد المنهالي - كلمات اغاني

ماقدر اوصفك في كلمه ولا كلمتين

منطق العقل يرفض انت فوق الخيال

اتقرب على وصفك عسنه يبين

واجمع الفكر لجلك يافريد الخصال

خذتني في جمالك بين خشم وعين

وانته الزين كله يا شبيه الجمال

منفرد في وصوفك كامل بكل زين

مدمعك للوضيحي وعاتقك للغزال

منك حلو اللطافه والترافه ولين

اهيف فيك من حسن اليوازي مثال

الشعر فوق متنك لامع كاللجين

او كما عرف شقراء لافحنه شمال

في خدودك زهور يانعه ياسمين

قيحوان الفيافي فل ياس وهال

مبسمك صف لولو من غزار ثمين

وابتسامات وجهك سعد حظ وفال

منطقك عذب واسلوبك فهامه فطين

تسلب العقل وتزيد المولع هبال

والله اني احبك والمحبه يقين

مخلص لك حياتي دون شك ومجال

خذتني في متاهات العمر والسنين

وصرت بين الامل والياس روح وتعال

انت معنى المحبه والغلا والحنين

شوق وجدي وعمري للقاء والوصال