كلمات مكتوم عنواني عيضه المنهالي

يا اجمل فخر من ابوي الغايب الحاضر

ياللي انكتب فيج تاريخي وعنواني

يا فاهمه ضحكتي مع كسره الخاطر

ومن نظره العين تفهمني وتقراني

ابوي وصى عليج وقلت انا حاضر

وعليج مكتوم امني ووصاني

يالشيخه موزه يا عمري ماضي وباكر

امي يا اصدق اسم ينطق به لساني

ياما وياما عليه لج جفن ساهر

ياما وياما تعبتي انتي على شاني

انا تفداج وافدى طيفج العابر

يا عمري الحين وانتي عمري الثاني

ياللي بطيبج انا اسكن فيج واسافر

واللي بغاني انا بقلبج بيلقاني

انا فديتج وانا افدا قلبج الشاعر

ياللي من احساس قلبج كل قيفاني

ان قلتي روضه يفز القلب لج طاير

لبيه لبيه من قلبي وشرياني

امي ومن حقي افخر فيج وافاخر

اشوف فيج الحياه وكل عرباني

اوعدج يبقى مكانج مقله الناظر

يا ساكنه بعين روضه وظلج اجفاني

مادام ابويه موصي يبشر ويامر

روضه انا بنته ومكتوم عنواني