كلمات قدوة روضه عيضه المنهالي

انا اشوف دبي فوق السماء فوق

بعيون ابوي اللي من سنين غايب

مكتوم من حبه سكن قلب وعروق

واشم عطره مع نسيم الهبايب

ان مر له طاري انا بالي يروق

وابوي حلال الامور الصعايب

كفه سحاب وشوفته غيث وبروق

يالله عسى قبره ظليل وسحايب

وعمي محمد سابق غير مسبوق

اللي مزيد ثامنه في العجائب

خلا دبي اليوم للناظر اتشوق

وكل حد شايف دبي في الحب ذايب

خلا دبي المعجزه تبهر الموق

وابراجها مع الثريا حبايب

هذا ابو راشد على الاول يتوق

انجاز بين الثانيه والدقايق

ابوي لي به تغمض العين وتفوق

له صورتن بين الجفن والهدايب

علمني امشي درب عالي ومرموق

وبعمي محمد هزمت الصعايب

وروضه انا ببقى على عهد موثوق

امشي بنهج الطيبين النجايب

وبنتك انا يابوي مكتوم بي شوق

اني اضمك وانت سيد الحبايب