كلمات يوم الشامخة عيضه المنهالي

اليوم يوم الطيب والعزه وتاريخ ووقار

للشامخه والوافيه اللي اوقفت عون وسند

انقلت موزه ينولد في ليلي المظلم نهار

لي جفنها كل مشتكي من شي ما عمره رقد

خلتني مثل دبي اعشق في التحدي لنتصار

وان الطموح يصير لكن بس من جد وجد

اذا وقفت اوقف شرف لعيون ناسي والديار

اما على الاول فقط والا فلا غيره عدد

ابوي مكتوم الفخر عمار يا الطاري عمار

وانا مثل ما ظن بي قد الامل قد الوعد

وان قيل روضه بنت مكتوم الكرم نفس المسار

كني ملكت الكون والدنيا وما قبل وبعد

علمت مهره نهج ابوي اللي افرقت بين المهار

حتى بلطيفه صار في كل يوم مجدن ينولد

شوفوا بنات بلادنا صارا سما صارا شعار

لجل الوطن صارا سند للرجل في هذي البلد