كلمات الليله محمد السليمان

الليله ليله من ليالي العمر

واحلى ليالي العمر بالمره

جت في يدها وردتين حمر

قبل الشفق والشمس محمره

العنق نافر والخواصر ضمر

والموت بين العنق والغره

والريح تاخذ من شعرها غمر

تلعب معاه شوي وتثره

هاك الجديل اللي جمرني جمر

اللي بغيت اموت من حره

قلت انورت كل الدروب السمر

والعيد جا يمشي على الجره

برق السنين ومجهمات وقمر

جيتي وخفاقي نفض شره

قالت غيابك وانتظارك جمر

وابطت تعاتبني وتتشره

قلت ابشري والرمش يامر امر

يا لول وجداني ويا دره

واللي جمعنا يا انتظار العمر

ما اعود هالفرقا ولا مره