كلمات تخوفني شمه حمدان

تخوفني مشاوير الطريق المظلم المهجور

والامني ذكرتك قلت طولي يا مشاويري

عزاي انك رجاي العذب لو كل الدروب عثور

وصلت او ما وصلت اعرفك مانته منتظر غيري

حبيبي وكل الله لا تحسب اني بليد شعور

لو انت المستحيل الصعب ما ابدي لك معاذيري

احبك رغم تجريح الليال لقلبي المقهور

اشوف الجرح يكبر وانت تكبر وسط تفكيري

احبك لو يموت الحب وتصير القلوب قبور

احبك كلمة لو حرموها حل تكفيري

احبك من هنا حتى طلوع الفجر حد النور

صحيح انك قدر محتوم بس اجمل مقاديري

احد ربي يحطك له حبيب وما يجيه غرور

وانا مهما بغيت استوعبك يا قل تقديري

بعذر اللي يحبك لو يصير العاشق المشهور

انا ليه التفت للناس وعيونك جماهيري

اثر صدق الغلا يجبر حطام الخاطر المكسور

وانا مهما منحتك من غلاي اشعر بتقصيري

ولو طالت مشاوير الطريق المظلم المهجور

انا لامن ذكرتك قلت احبك يا مشاويري