كلمات اه ياقلبي محمد السليمان

اه واقلبي اللي تجدد جروحه ما لقيت دواه

اشهد ان الموده عقايب عسى الله ما يعاقبني

طب جرحي مع اللي كوى القلب واركي فوقه العرقاه

ان حصل طبت وان ما حصل واعذابي واكبر غبني

جرح قلبي دواه وعلاجه بقرب مناه في دنياه

كل دكتور يوم اشتكي له سبب جرحي يكذبني

ما درى ان الغلا حد مجنون ليلى لين جاب اقصاه

كن ما صاب مجنون ليلى على ليلاه صايبني

الخطر صابني من عيون اشقر المجدول واويلاه

مع طريق اتلع الجيد لولا البلاوي ويش جايبني

اول المعرفه يوم عرض علي كنه يحسب خطاه

لا مشى خطوتين التفت وابتسم قصده يعذبني

اقشر ايامي اللي مضت لي نهار ذقت به فرقاه

كن رمح الزناتي خليفه على السرجوف ضاربني

كن ما خلق بالكون حب وموده غير انا وياه

راح والروح راحت معه وانهدم بيت الغلا المبني

ليتني ما عرفته ولا مد لي زين النبا يمناه

ابتليت بهواه وغلاه وغرامه والله انشبني

يوم شدت يمينه يميني يكف الدمع في يسراه

قلت كيف انت وش لون الاحوال لكن ما يجاوبني

قال لي بالنهايه ترانا تفرقنا فمان الله

عند الاجناب مدري وش اللي يقربك ويقربني