كلمات لا تساليني احمد الحريبي

لا تساليني عن زمان لنا فات

ذاك الزمان اللي مضى من يطوله

لا من طرالك بين ساعه وساعه

بيني وبينك وقتنا دار حوله

انت مشيتي بالهوا عشر خطوات

وانا مشيت الدرب عرضه وطوله

جيتك غلا كلي وكلي مسرات

يمك مشت خطوات رجلي عجوله

عندي على ما فات لو قلتي اثبات

اكبر دليل الروح يمك ميوله

كل الوفا حبي وحبك روايه

والناس ما تدري في شي تقوله

عشنا حلاه العمر في ذيك الاوقات

حلم صحينا منه فابسط سهوله

انسي وبانسى ما مضى من حكايات

هذي بقايا ذكريات الطفوله