كلمات لعبة الاقدار عبدالعزيز الضويحي

على اطراف الزمن بمشي

والاحظ لعبه الاقدار

عسى الايام تذكرني

الا من جالها طاري

بساير خطوه الدمعه

واجاريها مع التيار

ابي فرحي مع جرحي

يبيع الهم للشاري

نسيت الخوف والشكوى

نسيت الحب والتذكار

نسيت قلوب ماتاوي

معاها طال مشواري

عرفت الياس من صغري

وخاويت التعب امرار

اجامل وقتي بالحسره

ولا احد بالعنا داري

انا وين وهو وينه

ولا جتني ابد اخبار

تدور بخاطري الذكرى

ولاتوصل لها اخباري

تفارقنا بلا سبه

ولا ندري بعد وشصار

عجيب امر الزمن يجرح

ويشعل بالخفا ناري