كلمات طلبتك عبدالرحمن الحريبي

شكيت و الزمن ميت و لا من هو سمع شكواي

يا ناس حالتي صعبه بكيت و ما سمعتوا بكاي

طلبتك التفت يمي قبل لا تنهي ايامي

بعيش اللي بقى بعمري معك يا بهجه سنيني

عدمت الفرحه في عيني بعد ناوي على اعدامي

حرام تسوي كل هذا ترى اللي فيني يكفيني

اشوف وما اشوف الا عذابك داخلي حامي

يجي احيان يخليني بغيبوبه و ينهيني

قضى عمري وانا اعطيك بالفرحه وانا ظامي

اجامل بسمتك واضحك وانا بحر الحزن فيني

اجيك بلهفتي اركض اسابق خطوه اقدامي

مصيبه يوم انا جيتك من الاحزان تسقيني

ملامح وجهي غطاها الالم والخوف واوهامي

عماني الوقت بدروبي اضيع وما يدليني

وربي قمت احس ان الفرح يفرح بالامي

واحس الليل و الغربه هم احبابي وعناويني

وصلتك يا شقى عمري ابي تجمع لي حطامي

وصلت لدنيتك وانت وضميرك لا تخليني

ابي مره ولو مره اشوف الفرحه قدامي

ولكن وينها الفرحه اموت وما تعزيني

انا ما همني حزني ولا همتني همومي

ولكن ليه يا دنيا اذا بضحك تبكيني