كلمات فدا القياده فايز السعيد - كلمات اغاني

احنا فداء للقياده وفداء للعلم

ورايه العز فوق الغيم من سالها

وال نهيان قادتنا تقود الامم

لا راح قائد يروح المجد لعيالها

اهل الشجاعه واهل الطيب واهل الكرم

رجال تشهد جميع الناس بافعالها

قياده منا وفينا وحنا لهم

انسابق الوقت والدنيا على حالها

الحكم له ساس ماهو من تعلم حكم

واهل النفوس الضعيفه تقصر حبالها

حنا رجال الوطن لجاء نهار مهم

تعقب رجال ما يوفون باقوالها

اما حمايه وطننا في صميم الذمم

ما هي مقوم مواطن غير برجالها

الارض من طين وحنا نفتديها بدم

ارواحنا ما تساوي ذره رمالها

قد قالها البيت متوحد ولا ينقسم

وحده وطن للمواطن بانت افعالها

من قلتها يا محمد كلنا نلتزم

ونقول ربي يصح لسان من قالها

الشعب هو القياده صفنا ملتحم

واهل التخاريب فال الله ولا فالها

افكارهم سم غير السم ما هو يسم

مدام جاء من ضعاف الناس وانذالها

لازم نسوي لكل ضائع قيود وختم

حتى تحاسب شرار الناس باعمالها

لا يتبعون المعاصي لي تزول النعم

واهل الربيع المزيف ويش سوى لها

عقب البيوت المنيعه ساكنين الخيم

حالتهم اليوم كل الناس ترثى لها

الله يحمي بلدنا من شرور النقم

ويدوم عز القياده ويصلح احوالها