كلمات ليش دبي حلوه فايز السعيد و ناصر السعدي

تدرون ليش دبي حلوه وايد

وليش انها طلعت باجمل صوره

وتدرون ليش الزين فيها زايد

و الحسن فيها ليش لاعب دوره

وتدرون ليش الحب فيها سايد

وليش انها صارت مثل الاسطوره

انا بجاوب عالسؤال الكايد

وعلى الامور اللي غدت مستوره

كل السبب يا ناس امره عايد

لنه بوراشد واضح بحضوره

ولنه بوراشد شيخها و القايد

ولنه بحكمه شارع دستوره

ولنه غلاها وسط قلبه شايد

ويحبها من صادقات شعوره

ودبي به كل يوم عيد تعايد

لنه قمرها لي كساها بنوره

والله تراها شوي كلمة وايد

عاللي طلعت عالكون باجمل صوره