كلمات وين انت ناصر السعدي - كلمات اغاني

طفل ورى حدب الحنايا يناديك

طاغي عليه الحزن خايف و مفجوع

رغم الجفا و البعد متمسك فيك

كل ما بكى هلت من عيوني دموع

وين انت ياللي عاشق الليل اغليك

يا فجري الغايب خذ ايامي شموع

صوتك مطر هتان خلف الشبابيك

جف المطر والصوت ما عاد مسموع

كثر النجوم الساريه في لياليك

اشتقت لك والشوق جارف ومدفوع

وين انت ما حنت لصوتي محانيك

ولا انت مالك قلب يشتاق وظلوع

تعال للي باع غيرك وشاريك

يا اعذب محبه واعذب الحب مشروع

عذبتني والله بذنبك يجازيك

يا تارك قلبي من البين موجوع