كلمات القصايد انت رقيه ماغي

القصايد انت نثر وقافيتها

وانت للشاعر احاسيسه وبوحه

سولفتك الروح وانت سالفتها

وانا اول شخص يسمع صوت روحه

الاماني انت اول امنيتها

وانت اول واخر الحب وطموحه

يا عصافير المحبه واغنيتها

وسط روض القلب يا مغني بدوحه

انت دنيا للمحبه وعاصمتها

يا غرام زاد في قلبي صروحه

وفي غلاك الناس مدري ش مشكلتها

ماعلينا وكل شخص يعرف روحه

انت لك قلبي وروحي مهدياها

يا دوى قلبي ويا مشفي جروحه

دنيتي انت ضياها وابركتها

انت يا فجر الغرام ويا وضوحه

القصايد قبل حبك عايفتها

وعقب حبك كل يوم ارسمك لوحه

هات احاسيسك وقلبي مملكتها

وعيش في قلبي وبدد منه نوحه

وعن غرام الغير روحي حاشمتها

وشوف قلبي كيف مبعد في نزوحه

ولك اصايل انت دنيا وخاتمتها

انت روح ومن يعيش بدون روحه