كلمات كل دقة قلب رقيه ماغي

كل دقة قلب احبك كل رمشة عين اباك

وانت احسب كم احبك ولا تضيع عدها

وان خلصت احسب حبيبي كل نجمه في سماك

كثر من قال السلام وكثر ياللي ردها

وان طلبت العين فدوه وان طلبت القلب ياك

وكل كلمة حب لجلك والله اني قدها

ارسمك بعيون قلبي وارسم الدنيا ضياك

واعشقك يا اول حياتي لين اخر حدها

اجمل ايامي بقربك واجمل ايامي معاك

ولك حياتي يا حياتي عندك ولا تردها

انت غيمة روض قلبي اشربت من عذب ماك

لين غنتك الغصون وبيحت لك سدها

لك مكان بوسط قلبي وبين بعيني غلاك

وانت ضحكة دنيتي يا نور عيني وسعدها

اشعر ان الكون عندي كل ما عيني تراك

واشعر ان الروح نالت كل ما هو ودها

وانا لي روح تحبك ما تعيش اصلا بلاك

وكلمة في الحب لجلي يا حياتي بدها