كلمات زمانك نسيتي عمرو جابر

مين اللي قال اني بعدك تمام

واني ف غيابك سهل اني اعيش

غلطت وبعادك دا من عمايلي

وبعدك باعيش اللي باقي ف مافيش

ماكنتش مفكر هاحن وهابوح

وادور عليكي ف قلب الجروح

واقلب ف صورتك واكرر ف سيرتك

حقيقي خسرتك وحقي انوح

زمانك نسيتي وقفلتي البيبان

ولو جابوا سيرتي تقولي «الجبان

مقدر وفاهمك وحاسس بهمك

وندمي حقيقي عليا يبان

بخاف اني اضمك ف عز الغياب

والاقي ضلوعي بتحضن ف ريحتك

واخاف الشوارع تشوفني لواحدي

فتاخد وتدي معايا ف سيرتك

ولسه واحشني سلامك كلامك

وحتى ابتسامك وشكل العنين

لكنك تخافي تعيشي ف دنيا

صاحبها شعوره ما بين البينين