كلمات مش فارق لي علي الحجار

كان موضوع وانتهى

وحكايه قفلتها

مش ياما طلبت تمشي

صبرت ونولتها

بصراحه ساعدتني

ايوه سهلتها

ما عملتش اي حاجه

تشفع لك وقتها

علامات قدامي باينه ما شفتهاش

وقبلت حاجات كتير ما بحبهاش

بس ارجع اقول لنفسي اكيد نصيب

مين في الدنيا دي خد درس ببلاش

عادي جدا مش في بالي ومش فارق لي

انت بالعالم بتاعك مش لايق لي

هحكي عنك ايه ولا ليه

بلاش

نبقى ماشيين يدخلوا كده ناس حياتنا

هما مش داخلينها لا كده والسلام

دولا نقطه سودا ماسخه في ذكرياتنا

بس درس كبير وتربيه وعلام

واللي شفته معاك حقيقه انا بعده هاخد دكتوراه

درس من واحد مامن حد خبى كتير وراه

كنت طيب كنت فاكر ان كل الدنيا زيي

بس اتاري الدنيا زيك بس مش واقفه الحياه

عادي جدا مش في بالي ومش فارق لي

انت بالعالم بتاعك مش لايق لي

هحكي عنك ايه ولا ليه

بلاش

ايوه انا ما انكرش منك اتاذيت

بس فتره واتشافيت منك واديني

عادي بضحك وانشغل يظهر نسيت

او ما كنتش من البدايه مالي عيني

زي ما تكون كنت وهم في يوم وليله مالوش وجود

انت كنت بتبني حاجز كنت انا بابني السدود

كل حاجه وليها اخر كل شيء وله حدود

عادي جدا مش في بالي ومش فارق لي

انت بالعالم بتاعك مش لايق لي

هحكي عنك ايه ولا ليه

بلاش