كلمات ياليل حسين الجسمي

ياليل كم عذبت مثلي ملايين

وكم واحد غيري اذا اقبلت تشفيه

وانا معاك يا ليلي سنين وسنين

هم يخاويني وهم اخاويه

قالوا الفرح جاوبتهم افرح منين

والقلب جور الهم والغم كاويه

ان جيت ابضحك حضرت دمعي العين

حتى كرهت الضحك ونسيت طاريه

ياليل اخذت الفرح قل لي على وين

بالله قل لي وش بمثلي تسويه

يا ليل همك سجن كم به مساجين

وش فيك ما تعتق سجينك وتعفيه

يا مكشر انيابك في وجه المساكين

ما عدت اهاب الحزن لو فيه ما فيه

قلبي تعود عالحزن والمحازين

جرح يبين به وجرح مخبيه

اسمع كلامي زين يا ليلي الحين

يكفي خفوقي صبر واخزان يكفيه

غصب على خشمك بجر التلاحين

واضحك وافرفش قلت لي لاء او ايه

بضحك مع ضحكات اغلى المحبين

واتقاسم الافراح وياه وافديه

ضحكة حبيبي ما تساوى ملايين

لا والله الا الكون كله بما فيه