كلمات نفس المفترق راشد الماجد - كلمات اغاني

يا هاجسي هاجس مخضرمنا على بابي طرق

وافكار خيله مسويه في ساحة الشعر غبره

يا حي وجهه لى لفى ويا حي طرقه لي طرق

اللي على لسان العرب واشرافهم ذاع خبره

بقول له انت وانا نوقف في نفس المفترق

والكسر في خاطر محبينك غرامك يجبره

حسابك فصدر الغلا لا يمكن انه يخترق

محفوظ قدر ومقدره حتى الكبير استكبره

يعني على قول المثل الله خلق والله فرق

والطيب خلد صاحبه لو صاحبه في المقبره

وانت اذا رعدك رعد والا اذا برقك برق

غيثك يبلل بالعطا صدر الورق والمحبره

ماعاد في الدعوى من المسروق والا من سرق

كل القلوب المغرمه على الشقا مستصبره

بحر الهوى من يدخله ما خاف موجه والغرق

والصبر لازم نصبره والبحر لازم نعبره

قلبي معاك من الصغر من وين ما تشرق شرق

والموضع اللي تشبره قلبي وايدي تشبره

انت وانا ودروبنا والشعر ابد ما نفترق

ناخذ من الشعر اجزله ناخذ من الحب اكبره