كلمات ملكة جمال الكون يسرا محنوش

مفيش قصه تعدي عليك

بتخرج منها بتعاني

صحيح الاسم مجني عليه

وفرحان انك الجاني

ومين ديه الي هتملى عينيك

وسقف طموحك العالي

ولو ملكه جمال الكون

يومين و تمل حلاوتها

تشوفها اقل من العادي

وتستغرب ليه حبيتها

وتخلق ميه سبب يرضي

ضميرك وانت بتسبها

وانا عمري ما هاقبل يوم

اكن لك فصل في روايه

تكون في عينيا كل الناس

وما بقاش ليك انا كفايه

وليه امشي معاك في طريق

بدايته بنفسها نهايه