كلمات عقال المرجلة حسين الجسمي

انتحزم بك ويا نعم الحزام

يا عقال المرجله لي ما يطيح

شيخ نادر بوخالد في الانام

من عليك يراهن يكون الربيح

عشت قايد دوم سيرك للامام

وعشت رايد كل من ضدك طريح

طابت افعالك قبل طيب الكلام

قولك وفعلك صحيح في صحيح

في السياسه الناس تلعب بالكلام

وانته واضح مثلما الصبح الصريح

دمت ظل لشعب في ظلك ينام

ما يخاف وتحت حكمك مستريح

وعشت غيم ويتبعه جود الغمام

يوم غيرك مثلما الصحرا شحيح

وعشت رمز مثل رايتنا همام

وعشت فارس لا يرد ولا يشيح

شافت الدوله ع وجهك الابتسام

شعبها يضحك اذا غيره يصيح

انته انته وقول ع الدنيا السلام

تشتغل في صمت ما تبغي مديح