كلمات العاصمة حسين الجسمي

العاصمة دار الكرام الميامين

مبطي و يرفل في سمانا علمها

من غربي الظفرة الى شرقي العين

نبرا و نتصوع لفوعة نسمها

زايد حلم بانه رسم بوظبي لين

زهت و صارت مثل ما هو حلمها

كانت صحاري بس صارت بساتين

من يوم زايد هازها و استلمها

ابوظبي قبله لكل المحبين

و لي زارها ترضف عليه بدسمها

لي عاش فيها عاش عيشة سلاطين

وحتى البعيد تمد له من كرمها

دره مديه كل ما تكبر تزين

متباهية دام الحسن ما فطمها

غادة حسن ما تلتفت للمزايين

اتميزت باوصافها و بشيمها

ترهي عطاياها على العسر واللين

و ترضف مكارمها و ترضف نعمها

ما يادت ابها لا مباني ولا طين

يادت كفوف ريال شدت هممها

تاريخها بالعز حافل من سنين

و تزعفرت من يوم زايد حكمها

الله يبقي بوظبي قولوا امين

و لا خلاها دايم و لا عدمها