كلمات قسى وقتك خالد عبدالرحمن

اذا قسى وقتك وبالضيم حسيت

وبك ضاقت الدنيا على غير برهان

ولقيت نفسك بين يمكن وياليت

ومابين قسوة صاحب وبين خذلان

فلا تنحني للريح الى تنويت

ولا يهمك لو يقولون غلطان

صادم زمانك كل مارحت او جيت

ابعزم وابهمه وبعيار مليان

والعز عز النفس لا من تهقويت

لاصار لك في عالي المجد عنوان

والى وصلت الى النجوم وتساميت

زانت لك الدنيا على كل الاحيان

وماينفعك كثر الرجاء لو ترجيت

لاصار مالك صيت في كل ميدان

واما كسبت الطايله واستعزيت

غصب على اللي راضي وكل زعلان

والا بتبقى حي اقرب الى الميت

تبقى على طول الليالي والازمان

والناس ماترحم الى من ترديت

وقد قيل مابه نار من دون دخان