كلمات ابو نهد مزموم ( مغذي للهوى ) محمد عبده

انا مغذي للهوى دايم و دوم

و لا انظر اللي للهوى ما ينابي

هذاك معدوم و من ناس محروم

موته و حياته كلها بالتوابي

و الا مريض الذوق فى الفكر مسقوم

لا له مرام فى الهوى و لا صوابي

و اخير منه كل شهم و شغموم

شهم يحاسب كل خفره حسابي

ادرى قدرها في القوافي عن اللوم

يحمي صديقه لا يمسه مصابي

سلام مني للغضي ريم لحزوم

اعداد غيث هاطل من سحابي

سلام معطر بورد و مشموم

عليك يا حلو الصبا و التصابي

يا اللي يديله فوق الارداف مردوم

شروا الدجا حالك و لون الغرابي

و اعيان حور نوعها صار معدوم

يا اللي حظت برموش مثل الحرابي

لي من تبسم بسمته تزيل الهموم

و يبين من ثغره درور الحصابي

و مضمر هايف و له عود مبروم

ينور كما الجنديل تحت الثيابي

هذي مزايا الغر ابو نهد مزموم

يا اللي شخوصه ما لهن من موابي