كلمات ملامح حب رهيب اديب - كلمات اغاني

على ذاك الطريق اللي ذكرته ف زحمه اشواقي

اجي الملهوف ف دروبك اقبل بالوفا بيتك

يسابقني الطريق اللي مشت في سكته ساقي

وانا والعطر واللهفه ومرسال الوفا جيتك

على عذري تذكرتك وهمس للغلا راقي

ولحظات الوفا تبكي انا المحتاج ناديتك

تصورتك تجي صدفه على ذاك الدرب باقي

كثر ما مرني حزن الليالي جيت واسيتك

سنين العمر تتحدى وتشرق شمس اخلاقي

على كثر الغيوم اللي يردد شوقها ليتك

تجي مع دمعتك تمحي بقايا الجرح ف اعماقي

ويرحل عندها وقت على شرفه تحريتك

ليال البرد ف ضلوعك ودمعاتك على احداقي

ولكن رغم كل هذا تقول اني تريتك

عتابك لي على طول البعاد وتشكي فراقي

وتهدي ورد من سله ورودك يوم مريتك

عطش فيني الحنين اللي على درب الوفا ساقي

لجل اسقي عناقيدك وفي الخفاق داريتك

مشاعر تكتبك حرف نساه الوقت بوراقي

وجبت الشعر في لحظه غلاك وقمت جاريتك

بعد شوفك قلت يمكن معاها ترحل اشواقي

اذا ناظرت من شوقي ملامح رسمك وبيتك