كلمات ياملك بندر بن عوير

ياملك والملك لله ثم الملك لك

جل شان اللي على العرش سواك وعدل

حط كرسيك على الارض واعلى منزلك

يوم تجلس كني اشوف في الكرسي جبل

هامتك لو منت منا نحسب انك فلك

سيد سادات الرياحيل من بعد وقبل

ضو فعلك لاقسى الوقت والليل ان حلك

شمس فعل ماتغايب ولا هي ترتحل

يكفي انك ياملك جبت للعالم ملك

الفحل ماينجب الا على العزه فحل

حن معك ياسيدي حن معك منك ولك

شعبك ابطال التحدي وقايدهم بطل

والله وتالله لا والف لا مانخذلك

من بعد ماقلت شعبي مثل هذا الجبل

سر بنا واللي تريده يجيك وياصلك

كل ظن تظن فينا بتلقانا دبل

ثابتين ولا انتزحزح وجهدك واعملك

عارفين ان المواقف لها مثلك جمل

سيدي واللي نشوف اخرك ولا اولك

اولك خلا المعادي من القوه خبل