كلمات مضحوك عليا طارق الشيخ

بين كل جرح وجرح اصعب ماللي قابله

حاسس اني عايش كل ده ومضحوك عليا

وبقيت بشوف في عيون كمان كل اللي اقابله

نظره شماته وضحكه صفرا وفرحه فيا

مبقتش عارف ان كنت رايح ولا جي

وكاني عايش نص مات علي نص حي

حتي اللي مني مسلمش قلبي من اذاهم

والضربه جاتلي ماللي انا اتربيت معاهم

كل اللي بديله الامان هوا اللي يجرح

والفرحه جت عندي انطفت حلفت ماهفرح

انا دوري صامت في الحياه وماليش مكان

واسيت كتير من ناس باعوني وركبو مسرح

فين اللي مني بجد بسال نفسي فينهم

جبروت وقسوه مشفتهاش غير بس منهم

علي طول في سيرتي بيقطعو ويذمو فيا

والرحمه جاتلي من الغريب ومجتش منهم

معرفش بختي يادنيا ليه علي طول مقصر

كل اما اقول هفرح خلاص تسود اكتر

من كتر مااتحملت غدر وظلم منهم

مبقتش احس بضربهم مبقاش ياثر

مخنوق ومتحمل الم وعذاب قافلني

صدقت ناس ياخساره طلعوا مغفلني

انا قلبي تاه حتي الحياه ضحكت عليا

والدنيا والايام لبعض محدفني

الكل وقفو اتفرجو علي ماتش همي

وسابوني متكتف بموت علي جنب مرمي

جايين عليا وكلهم ضدي وقصادي

وان يوم ضحكت بيجمعو علي حرق دمي