كلمات ليلة القدر اسماعيل مبارك

الشوق واجد يا صلاه التراويح

شهر العفو على جمر ناطرينه

انتي لبيبان السعاده مفاتيح

نور رمضان ومغفره صايمينه

يشوف بعيونه شعاع المصابيح

ليا رفع فيك المصلي يدينه

بالشفع يغشانا عبير التفاريح

وبالوتر نعرف ويش معنى السكينه

نقوم حلم بليله القدر ونطيح

من فاز فيها فاز باقي سنينه

ما تسمع الا صوت ذكرا وتسبيح

وتنهيده الخاشع ودمعات عينه

الخير ما يحتاج شرحن وتوضيح

من عز دينه عزه الله بدينه

ينزاح همن صعب عن صدره ايزيح

كنه طفل تاه ولقى والدينه

من طاع ربه يبشر بهبه الريح

من طاع نفسه بشره بالغبينه