كلمات من مثل زايد حسين الجسمي و وليد الشامي

من مثل زايد في كل الناس لله

زايد بطيبه وفي الافعال زايد

المكارم مستظلات بظله

والفضايل له سلوم وله عوايد

سجل التاريخ اسمه في سجله

في كتاب العز وفي غر القصايد

قايدا غير مسار الوقت كله

واثبت انه يستحق يكون قايد

وحد بلاده وصارت مستقله

بعد ما كانت تشاتيت وبدايد

وجدد امجاده وسيف العز سله

يوم قال انا لها وقت الشدايد

البعيد بفكره ومحدن وصل له

الحكيم اللي جنى زين الحصايد

الكريم اللي عطى مما عطى الله

لين صار الخير كله في يد زايد

ذاك زايد والله والله والله

محدن مثله قدام او جدايد

ذاك زايد محدن ياخذ محله

طيب السيره وخلق الله شهايد

ذاك زايد دايمن شمسه مطله

لاهو ببايد ولا ذكره ببايد

ومن نشد عن زايد الخيرات قله

محدن يشبه فعول وطيب زايد