كلمات انا في خاطري بدر الحبيش

انا في خاطري حاجه

ولا ادري وش هي بالضبط

ولاني قادر اكتمها

ولاني قادر ابديها

متاهه داخل اعماقي

بحر حيره بليا شط

خذاني موجها العاتي

عذابي عن موانيها

انا ما اشكي من احزاني

ولا ذقت السعاده قط

ومع هذا احس الناس

اضحكها وابكيها

انا واحد من العالم

انا جمله تحتها خط

احاسيسي غريبه من

بدايتها لتاليها

انا عايش بهالدنيا

بلا قيد وبليا شرط

مجرد ظل لايامي

تباريني واباريها