كلمات اولا محمد عبده

اولا يارب ترقنا القبول

وجنب امتنا الامور المهلكه

الوطن معنى المبادي والاصول

والرجال اللي عليه محنكه

ثانيا ياصدق قول اللي يقول

عاش بومتعب وتحيا المملكه

اخو من طاع الله وطاع الرسول

لا نواله في محيط حركه

وثالثا حب الملك شرحه يطول

طاهر الاعماق مصعب مسلكه

واسع الافاق عساف الخيول

يرقب الحر البعيد ويشبكه

رابعا لا قال عبد الله يطول

اطهر من النور درب يسلكه

عسى عمرك يابومتعب يطول

ماعلى الدنيا غلى ماتملكه

خامسا ياسايق الخير الرحول

هات مافي خاطرك لا تتركه

من توكل يعقل يدين الذلول

من صفق كف ب كف يفركه

سادسا لا زاد قول فوق قول

كل رجال سلاحه يفركه

ماتعودنا على انصاف الحلول

ندرك اللي غيرنا مايدركه

سابعا عاش السعودي الصمول

وعزوه الغالي ترى فيها بركه

دارنا من طيبها كلن عذول

ونارنا ماكنها الا التهلكه

ثامنا حب الوطن عرض وطول

من عطانا الله وحنا نملكه

كل ماكبر على شانه زحول

اكبرت في وسط قلبي معركه

تاسعا احرار ورجال وفحول

واجبك يا اغلى وطن مانتركه

يرتكي للحمل شيال الحمول

وكل دم حل شرع يسفكه

عاشرا لله در اللي يقول

ياسلام الله عليها مملكه

طارت طيور البيادر للحقول

وخابت طيور الظلام المشركه