كلمات الليل هود محمد عبده
الليل هود
الليل هود واكهف النجم لغياب
قضى الحديث وودعونا المسايير
احد قفل دون هوجاسه الباب
واحد غدت جدران بيته تفاكير
ياساكن الهوجاس ممساك ماطاب
راحت مجاهيم وجتنا مغاتير
لا والله الا ضامنا بعد الاحباب
والشوق ظالم لاتعدى المحاذير
احبابنا اللي عقبهم كننا اجناب
لو ما جفتنا الدار دار المناعير
الليل هود واكهف النجم لغياب
قضى الحديث وودعونا المسايير
ليت الثلاثاء ماكتب يوم في كتاب
من غبت ياجبر القلوب المكاسير
كل ماذكرته قمت للوصل طلاب
وقلت القطاعه في هل الرحم تقصير
وين انت ياغيث من الجود صباب
يمينك اكرم من سحاب مزابير
وين انت يامعتق من الحاجه ارقاب
ايضا وبك لطف وحكمه وتقدير
قالوا مريض وقلت لشفاي لاطاب
وقالوا بعيد وقلت حنا المعاتير
والله لو تطوى له بحور وهضاب
ماهو جزا له مير للشوق تصبير
انا اشهد ان الحب تكتب له اسباب
وماكل قاع فيه تنبت نواوير
ياشيخنا تكفيك لو ضحكة الناب
وشلون وانت ماتحسب المخاسير
لا والله الا ضامنا بعد الاحباب
والشوق ظالم لاتعدى المحاذير
احبابنا اللي عقبهم كننا اجناب
لوماجفتنا الدار دار المناعير
الليل هود واكهف النجم لغياب
قضى الحديث وودعونا المسايير
حنا مثل غرس سقي دين واداب
وتاريخ من فعله تعدى الاساطير
وقت الرخا نرجى وفي الحرب ننهاب
ولاجا لزوم الشيخ حنا المذاخير
كبيرنا في السن نحسب له حساب
وكنه مع اللي سابق سنه صغير
انتم عمود العز وحنا له اطناب
نرسى ولو هبت هبوب ومعاصير
وارض الجزيرة مابها ربع واغراب
الاصل واحد والشرف والمقادير
والله فوق الكل والشرع غلاب
حب الوطن من حب والي التدابير
الليل هود واكهف النجم لغياب
قضى الحديث وودعونا المسايير
معلومات عن الليل هود محمد عبده
احصل على معلومات مفصلة عن العمل الفني، الملحنين، المؤلفين، والملاحظات
تسجيل الدخولحساب جديد