كلمات ظلموه عبدالحليم حافظ - كلمات اغاني
عبدالحليم حافظ • سنة 1957
ظلموه
ظلموه ظلموه القلب الخالي ظلموه
قابلوا شبكوه وارتاحوا لما شغلوه
وعدوا يزوروه ونهار ما افتكروا يهنوه
نسيوا وفاتوه واتاريهم قبل ما ينسوه
ظلموه ظلموه
طول عمري قلبي خالي ويخاف من الغرام
من كل رمش جارح فى نظرة وابتسام
كانت العيون تقابله وتلمح بالكلام
يهرب من قبل حتى ما يردلهم سلام
لحد عنيه ما قابلوني نسيت روحي وتاه عقلي
وطال الشوق وظلموني واتاري القلب هو اللي
ظلموه ظلموه
جبت الطبيب يداوي سالني الجرح فين
قلت اسال دق قلبي اللى زايد دقتين
سمع فى القلب حاجه وقال ده رمش عين
صاحبه رماه وناسي بقاله جمعتين
لحد عنيه ما قابلوني نسيت روحي وتاه عقلي
وطال الشوق وظلموني واتاري القلب هو اللى
ظلموه ظلموه
انا اللى السحر دايما كنت اهرب من عينيه
وانا اللى قلبي عمره محدش جار عليه
ازاي حبيتك انت وحبيتك انت ليه
احتار القلب يسال واحترت اقوله ايه
لحد عنيه ما قابلوني نسيت روحي وتاه عقلي
وطال الشوق وظلموني واتاري القلب هو اللى
ظلموه ظلموه
معلومات عن ظلموه عبدالحليم حافظ
احصل على معلومات مفصلة عن العمل الفني، الملحنين، المؤلفين، والملاحظات
تسجيل الدخولحساب جديد