كلمات حاجه غريبه عبدالحليم حافظ - كلمات اغاني

عبدالحليم :

حاجه غريبه حاجه غريبه الدنيا لها طعم جديد

حاجه غريبه حاجه غريبه انا حاسس ان دا يوم عيد

شاديه :

وانا حاسه الدنيا هربانه ويانا فى ليل كله سعاده

لها فرحه حلوه فى عنيه وحلاوتها سكرها زياده

انت عارف ليه

عبدالحليم :

قولى انت ليه

شاديه :

علشان احنا مع بعضينا ولاول مره لوحدينا

ولا حدش بيبص علينا غير فرحه قلبنا وعنينا

عبدالحليم :

حاجه غريبه الليل ده كله كان امبارح بيزيدنى حرمان واسيه

اتغير ليه حتى سواده له ضى حنين فى عنيه

شاديه :

والنجمه دى انا عارفاها وتمللى بسهر وياها

بس الليله بتلمع اكتر وبتندهلى وانا سامعاها

اهه بتشاور بتشاور اهه بتقرب بتقرب

انا دلوقتى ماشيه معاها

حاجه غريبه انت كمان انا شايفاك ماشى وياها

عبدالحليم :

انت عارفه ليه

شاديه :

قول لى انت ليه

عبدالحليم :

علشان احنا مع بعضينا

ولاول مره لوحدينا ولا حدش بيبص علينا

غير فرحه قلبنا وعنينا حاجه غريبه

شاديه :

حاجه غريبه السما بتغنى انت سامعها

عبدالحليم :

ايوه سامعها بتغنى مع فرحة حبى

شاديه :

والموجه اللى هناك دى بترقص

عبدالحليم :

ايوه شايفها

شاديه :

دى بترقص على دقة قلبى انت شايف انت سامع انت حاسس

عبدالحليم :

احساس غريب قبل النهارده ماجربتوش

شاديه :

وشعور جميل عمرى فى حياتى ماعرفتوش

ايه اللى جرالنا احنا بنحلم ولا بنحلم كلمنى قول

عبدالحليم :

لو كان دا حلم ياريته يطول علشان نفضل نحلم كده على طول

شاديه :

والدنيا تفضل هربانه ويانا فى ليل كله سعاده

ليها فرحه حلوه فى عنيه وحلاوتها سكرها زياده

انت عارف ليه

عبدالحليم :

ايوه عارف ليه

شاديه وعبدالحليم :

علشان احنا مع بعضينا ولاول مره لوحدينا ولا حدش بيبص علينا

غير فرحه قلبنا وعنينا حاجه غريبه