كلمات ضحكة العمر وليد الشامي

يا ضحكة العمر يا الاول و يا التالي

يا سيد القلب و انت العشق و اسبابه

يا غايتي مطلب الخفاق يا الغالي

يا كل عمري و لقلبي اقرب احبابه

اهواك اهواك وانت بس تحلالي

من بعدك القلب سكر كل ابوابه

ما هزني عذل عذالك و عذالي

عارف غلاتك و حبك انت ادرى به

كيفي و ذوقي و وحدك بس تحلالي

سيد مزاجي و قربك احسب حسابه

لا شفت وجه القمر وجهك تهيا لي

و انته سما والا غيرك غيم سحابه

حبيب عمري في حبك يا هنيا لي

و من كان قبلك تصدق ما اعترفنا به

سرقت قلبي و لا تسالني عن حالي

حالي يسرك و قلبي انت اولى به

انت الذي اتمنى شوفه قبالي

يا من عشانه حسدت اهله و قرابه

اشتاق شوفك يا نور العين و كحالي

و العين دايم لشوفك حيل طلابه

محد غيرك شغل عقلي شغل بالي

و غيرك حبيبي غرامي ما تهنا به

اشوف بك حب سامي و منزله عالي

و الحب غالي لغيرك ما رخصنا به