كلمات الاحلام علي الحجار
علي الحجار • من ألبوم الاحلام • سنة 1982
الاحلام
قلبي يا قلبي يا ابو الاحلام
حب الخير ما تقولشي بكام
وارجع للي بيخلق
واللي بيرزق واللي عنيه ما تنام
قلبي يا قلبي
قلبي يا طاير لساك حاير
بين العتمة وبين النور
لو احبابك خانوا غيابك
ارمي عذابك يملا بحور
بوس اوجاعك
خلي شراعك
يطوي رياح وجراح والامك
قلبي يا قلبي يا ابو الاحلام
اوهب نفسك للي ينافسك
واللي يسير وياك في طريق
لحظة ودك نورها يمدك
واوعى يشدك اي بريق
واياك تكره ايها فكره
تاخد ناسك للاوهام
قلبي يا قلبي يا ابو الاحلام
حب الخير ما تقولشي بكام
وارجع للي بيخلق
واللي بيرزق واللي عنيه ما تنام
المشاهدات172