كلمات عذب عبدالمجيد عبدالله

عذب رعاك الله يا سمح الاقبال

ربي على كف الغلا لك وضعني

ان رحت بثياب الجفا البيض تختال

رحب الفضا اللي واسع ما وسعني

غريب حب و شفت انا منك الاهوال

هم ينزلني و هم رفعني

بعدك يضر الحال و يضيق البال

و قربك ابد طول الدهر ما نفعني

اتبعك راحل يا حبيبي و نزال

حب يريضني و حب دفعني

معك انت درب الصبر يا صاحبي طال

حظ يقربني و حظ منعني

راح العمر بين التصدد و الاقبال

و مدري وش اللي يا هوى البال تعني

طب لي تطيب الحال يا طيب الفال

و الا تكرم حب غيري و دعني

اما استدار الوقت من حال لي حال

و الا شريتك كل ما قلت بعني

اسقيت من مر الصبر زهر الامال

و الحظ بك يا صاحبي ما جمعني

ما والله اسمع فيك ناصح و عذال

و انا ان شكيت الحال محد سمعني