كلمات حكاية يمامة انغام
انغام • من ألبوم اول جواب • سنة 1988
حكاية يمامة
يمامه بيضه الريح جايبها
في بحروا حايره تايه قاربها
بين الجوانح في ايه صايبها
طارت ياعيني طارت ياعيني هي ونصيبها
خطت على الشباك ناديت ايه يايمامه
متغربه مستغربه ليه يايمامه
دمعانه ليه متفرهضه ليه يايمامه
سيبتي الوليف ولا
قلب الوليف ولا
خايفه من الصياد
ولا ضناكي بعاد
مال الجناح مسكين
وعيونك الحلوين دمعك غالبها
طارت ياعيني طارت ياعيني هي ونصيبها
وفضلت اداديها من الحب اسقيها
ايدى تطيبها قلبي يداويها
عيني تنيمها رمشي يغطيها
وادعيلها طول الليل يارب تشفيها
يوم بعد يوم الجرح طاب طارت بعيد عني
حتى كمان ما ودعت علشان تطمني
رايحه لوليف ولا لشوق ولا زعل مني
ياعالم خالقها رايحه لمين وهترسى فين هي ونصيبها
المشاهدات280