كلمات فضيحة فيصل الراشد - كلمات اغاني

وش عاد باقي غير دمعة عيوني

خلوني ابكي يا القلوب المريحه

وامانة الله لا بكيت اتركوني

مادامها صارت فضيحة فضيحه

وشلون اخفي دمعتي علموني

يا من يدليني الدروب الصحيحه

احترت مدري وين انا صدقوني

انا اشهد اني طحت عن الف طيحه

ناديتكم ماكنكم تسمعوني

كنتم معي تستكثرون النصيحه

والصاحب اللي كنت اسميه عوني

اقفى وخلى الروح عقبه جريحه

حالي تدمر وابتلشت بطعوني

ومن ذمني ماانطر وراه المديحه

ببكي الين ارتاح واغسل عيوني

والنفس من كثر البكى مستريحه