كلمات ياليل بدري عبدالكريم عبدالقادر - كلمات اغاني

يا ليل بدري شوق الاحباب ساهر

في صدورنا باقي سواليف واسرار

واعذب حديث العشق همس وخواطر

ومعانق طيور الظما لعذب الانهار

يا ليل وقف خذ عيوني وناظر

وشلون يطوي نورها بين الاقمار

دمعة جبين الشمس جرح النواضر

كن الحسن من قبلها شي ما صار

اللي خذت قلبي جمال ومشاعر

تقطف غلاها ما بالحشا قطف الازهار

ان سولفت ما للبلابل حناجر

في صوتها الدافي ترانيم و اشعار

ان سلهمت بالرمش والطرف سادر

تهدي عيون برق وغيوم وامطار

عشقتها ما كن للعشق اخر

صارت قدر دنياي ياطيب الاقدار

من قبلها و الحظ بالحيل عاثر

من بعدها الحظ لولو ومحار

لعيونها مديت كف المشاعر

واهديتها قلب جرح كل الاعذار