كلمات لقى العيد محمد الماسي - كلمات اغاني

اقبل علينا العيد يا منوه الروح

والروح في قربك تزايد فرحها

لهفه خفوقك بينت ما تبا بوح

هيبه سلامك من غرامك شرحها

لا تربك اعيوني والاحساس مفضوح

خفف على روحي شعور ذبحها

لك ود امنزل ومكتوب في اللوح

منحه حياتي خالقي لي منحها

غنى لقانا الطير في عالي الدوح

واشواقنا م العام مابغي جمحها

مثل الذي من شح الايام مجروح

وصلك دواه وسلوته لي ربحها

لو اتهرب واخجل وابدي الشوح

واخفي الفرحه واحاول كبحها

لواعج الوجدان ثارت على الروح

ماتمتثل لو بجتهد في نصحها

خذ من يديني عهد من قبل لاتروح

وعيد اسير ساحتك ما برحها

الصد مامنه فوايد ومربوح

زلاتنا في العيد جاري مسحها

بوضوح بين لي وبابوح بوضوح

خل الليالي تنجلي عن صبحها

عيدي لقاك وثالث العيد مسموح

لبى ديار فوع عطرك لفحها