كلمات رزانه محمد الشحي - كلمات اغاني

الله عطاك الزين والله معليك

عن البشر لك قدر ياكبر شانه

انت الملاك ومن يحاول يباريك

من نظره عيونك تخل اتزانه

اذا مشيت الورد ينبت حواليك

يبكي شذى عطرك يزيد امتنانه

وعرفت ليه ان جيت لك ما الاقيك

لقيت عودك ينحرف من ليانه

البارحه فكرت لاشفتك اعطيك

اغلى هديه بس تبقى امانه

ومن كثر ماحبك واقدرك واغليك

دورت قلبي ما لقيته مكانه

سرقت قلبي والمشاعر تهنيك

عرفت له وشلون تكسب رهانه

روحك غدت فيني وانا شفتني فيك

وكل يداري جرح خله عشانه

امر تدلل لا توقف امانيك

من كان مثلك لا يرده لسانه

اقول للعالم اذا حل طاريك

هذا الزمان اللي نشوفه زمانه

ويلي عليك اسلوب نادر محليك

جننت فكري بالعقل والتكانه

لا ما تخليني ولا بعمري اخليك

مع بعض دايم لو الموت جانه