كلمات عالم الخيل حسين الجسمي

من علم الخيل ان باسمي تناديني

واني اذا جيت م البعد اتلقاني

تفرح بقربي وتمازحني وتحييني

وان غبت عنها على نار اترياني

تدرك وجودي وتعرفني وتغليني

وتبش لي وبس قاصرها اتحفاني

وتحس بي وبشعور تشمم ايديني

ياكنها في المشاعر نفس الانساني

ان جيتها بعد غيبه لي تحييني

ويضج الاسطبل بالترحيب حياني

ياكنها تقول لي يا منوه العيني

طولت غيبتك واللي يحب ولهاني

وللخيل انساب واوطان وبلاديني

وفي الخيل اسرار محفوظه بكتماني

امضمر الظبي فيها وصفه امحيني

وعدوه الذيب في غفله على الضاني

مشدوده الجلد محسوبه بتمكيني

صليبه القين لي في الشد مالاني

سلسه عنان وحيه سير في حيني

عقب التعب ترجع انشط م الذي كاني

تنصب في السير صب الما بتعييني

شلال من راس ضلع ايصب عجلاني

ياكنك تشوف هدات الشواهيني

هدن على الصيد لكن دون جنحاني

فيها من الزين زين ازين من الزيني

جمالها في عيوني مالها ثاني