كلمات هو صحيح الهوى غلاب ام كلثوم - كلمات اغاني
هو صحيح الهوى غلاب
هو صحيح الهوى غلاب ما عرفش انا
والهجر قالوا مرار وعذاب واليوم بسنة
جاني الهوى من غير مواعيد
وكل مادا حلاوته تزيد
ما احسبش يوم ح ياخذني بعيد
يمني قلبي بالافراح
وارجع وقلبي كله جراح
ازاي يا تري
اهو ده اللي جرى
وانا وانا وانا وانا وانا ما عرفش انا
نظره وكنت احسبها سلام وتمر قوام
اتاري فيها وعود وعهود وصدود والام
وعود لاتصدق ولا تنصان
عهود مع اللي مالوش امان
صبر على ذله وحرمان
وبدال ما اقول حرمت خلاص
اقول يارب زدني كمان
ازاي يا تري
اهوه ده اللي جرى
وانا ما عرفش انا
يا قلبي اه الحب وراه اشجان والم
واندم واتوب وعلى المكتوب ما يفدش ندم
يا ريت انا اقدر اختار
ولا كنت اعيش بين جنة ونار
نهاري ليل وليلي نهار
اهل الهوى وصفوا لى دواه
لقيت دواه زود في اساه
ازاي يا تري
اهو ده اللي جرى
وانا ما عرفش انا
المشاهدات591
معلومات عن هو صحيح الهوى غلاب ام كلثوم
سجل دخول لرؤية تفصيل العمل و إمكانية نسخ الكلمات
احصل على معلومات مفصلة عن العمل الفني، الملحنين، المؤلفين، والملاحظات
تسجيل الدخولحساب جديد