كلمات الي اقوله مساعد البلوشي

اللي اقوله يختلف عن كلامي

ما كل كيف الحال قصدي بها الحال

احيان كيفك تعني القلب ضامي

واحيان وينك تعني البعد قتال

والنظره اللي كل ما انهي سلامي

فيها حكي باقي لهالحين ما انقال

لو باني نورك ما شقيت بظلامي

لو بس خطوه جيتني جيتك اميال

وديان عينك لو تحن لغمامي

وطاح المطر كله من الشوق وانهال

لا يشغلك في يوم قل اهتمامي

مهتم في اشياء ما تجي لك على بال

يا من تنسيني ملامح واسامي

يا من تغيرني من احوال لاحوال

طالت وانا ما قلت لك عن هيامي

ومقسى على العاشق من الشوق لا طال

قل لي مدامك تستحي من كلامي

اشتقت لك بالصمت وشلون تنقال