كلمات النيل نجاشى محمد عبدالوهاب - كلمات اغاني

النيل نجاشى حليوه اسمر

عجب للونه دهب ومرمر

ارغوله فى ايده

يسبح لسيده

حياه بلادنا

يارب زيده

قالت غرامى فى فلوكه

وساعه نزهه ع الميه

لمحت ع البعد حمامه

رايحه على الميه وجايه

و وقفت انادى الفلايكى

تعالى من فضلك خدنا

رد الفلايكى

بصوت ملايكى

قال مرحبا بكم مرحبتين

دى ستنا وانت سيدنا

هيلا هوب هيلا

صلح قلوعك يا ريس

هيلا هوب هيلا

جت الفلوكه والملاح

ونزلنا و ركبنا

حمامه بيضا بفرد جناح

تودينا وتجيبنا

ودارت الالحان والراح

وسمعنا و شربنا

هيلا هوب هيلا